მთავარი საიტის რუქა კონტაქტი
რეგისტრაცია

მენიუ

სიახლეების კალენდარი

გამოკითხვა

მოგწონთ თუ არა ვებ გვერდის დიზაიანი?



ბანერები

  • vet.emis.ge
  • mes.gov.ge
  • cisco
  • naec.ge

სტატისტიკა

სიახლეები

GIZ-ის სტუმრობა კოლეჯში "იბერია"

საქართველოს განათლების, მეცნიერების, კულტურისა და სპორტის სამინისტრომ გერმანიის საერთაშორისო თანამშრომლობის საზოგადოების (GIZ) მხარდაჭერით დაიწყო ერთთვიანი კამპანია, რომლის მიზანია რეგიონებში სხვადასხვა სამიზნე ჯგუფების ინფორმირება იმ საგანმანათლებლო სერვისებზე, რასაც პროფესიული განათლების სისტემა საქართველოს მოსახლეობას სთავაზობს. პროექტი „სამხრეთ კავკასიის კერძო სექტორის განვითარებისა და ტექნიკური პროფესიული განათლებისა და ტრენინგის (PSD TVET SC) პროგრამის“ ფარგლებში ხორციელდება. კამპანიის ფარგლებში, 2019 წლის 11 ნოემბერს გაიმართა საინფორმაციო შეხვედრა ქუთაისში, პროფესიულ კოლეჯში „იბერია“ და მასში ვეტერან მორაგბეებთან , ლექსო გუგავასა და ნოდარ ანდღულაძესთან ერთად უძღვებოდნენ საქართველოს განათლების, მეცნიერების, კულტურისა და სპორტის სამინისტროს წარმომადგენლები და სამხრეთ კავკასიაში კერძო სექტორის განვითარების, ტექნიკური პროფესიული განათლების და ტრენინგის პროგრამის წარმომადგენლები . მომავალი იწყება აქ! ქართველ ახალგაზრდებს შეუძლიათ არჩევანი სხვადასხვა თანამედროვე პროფესიებზე შეაჩერონ. ახალგაზრდები მათი პროფესიული ცხოვრებისთვის აუცილებელ ცოდნასა და კომპეტენციას სადიპლომო პროგრამების საშუალებით განივითარებენ, ხოლო ისინი, ვისაც დუალურ პროგრამაში მონაწილეობის ბედნიერება ხვდება წილად, არა მხოლოდ საჭირო უნარებს შეიძენენ, არამედ მომავალ დამსაქმებელსაც გაიცნობენ” - აცხადებს სამხრეთ კავკასიაში კერძო სექტორის განვითარების და ტექნიკური პროფესიული განათლების და ტრენინგის პროგრამის დირექტორის მოადგილე, იოჰანეს სტრიტმატერი. ორგანიზატორების განმარტებით, კამპანიის ფარგლებში პოპულარულ სპორტსმენებთან შეხვედრა, საკუთარი წარმატებული ისტორიების გაზიარება და მათი მხრიდან პროფესიებისა და პროფესიონალიზმის მნიშვნელობის ხაზგასმა, დამატებითი სტიმული იქნება იმ ახალგაზრდებისთვის, რომლებიც ახლა გეგმავენ საკუთარი მომავალს.

 ფოტოგალერეა

 

სიახლე სრულად
13 ნოემბერი 2019

კოლეჯი "იბერია" ETF ფონდის მიერ გადაღებულ დოკუმენტურ ფილმში გადაიღეს

 სსიპ კოლეჯმა „იბერია“ მონაწილეობა მიიღო კონკურსში „უნარები და კვალიფიკაცია-სარგებელი ხალხს“, რომელიც ორგანიზებული იყო  განათლებისა და გადამზადების ფონდის მიერ (ETF). ფონდის სათაო ოფისი მდებარეობს იტალიაში, ქალაქ ტურინში. კონკურსის მთავარი მიზანი იყო უნარების განვითარებისა და კვალიფიკაციების დაუფლების მიზნით განხორციელებული ინოვაციური მიდგომების და მეთოდების შესახებ წარმატებული ისტორიებისა და პრაქტიკის აკუმულირება და გაზიარება. საუკეთესო წარმატების ისტორიები გამოყენებული იქნებოდა მოკლემეტრაჟიან დოკუმენტურ ფილმში. ამრიგად, მიმდინარე წლის მაისში კოლეჯს ესტუმრა გადამღები ჯგუფი იტალიიდან და გადაიღეს დოკუმენტური მასალა კოლეჯის შესახებ.

 ვიდეოგალერეა

სიახლე სრულად
06 ნოემბერი 2019

ყველის ფესტივალი 2019

2019 წლის 26 ოქტომბერს ქალაქ გურჯაანში, ახტალის პარკში გაიმართა ქართული ყველისა და კულინარიის ფესტივალი. საქართველოს სხვადასხვა რეგიონიდან წარმოდგენილი იყო ყველის ნაწარმის მრავალსახეობა, ასევე ადგილობრივი წარმოების ღვინო და უცხოელი შეფ-მზარეულების მასტერკლასები.
სსიპ კოლეჯ "იბერიას" მზარეულის პროფესიის მასწავლებლები მარინე იობაშვილი, ნელი დოლიძე, ეთერ ჭარბაძე და მათი პროფესიული სტუდენტები წელსაც ღირსეულად, მაღალ დონეზე წარსდგნენ მოწვეული სტუმრებისა და დამთვალიერებლების წინაშე და მრავალფეროვანი ფურშეტით გაუმასპინძლდნენ მათ. იქვე კოლეჯის სტუდენტებმა მასტერკლასი ჩაატარეს და დასრულებული ნაწამის დეგუსტაციაზეც მიიწვიეს დამსწრე საზოგადოება, რითაც კიდევ ერთი აპლოდისმენტი და შექება დაიმსახურეს.

 ფოტოგალერეა

სიახლე სრულად
28 ოქტომბერი 2019

საგამოცდო ბარათები

2019 წლის საშემოდგომო მიღებაზე დარეგისტრირებულ აპლიკანტთა საყურადღებოდ!

დაიწყო საგამოცდო ბარათის გაცემა პროფესიული ტესტირებისათვის . ბარათის აღება შეგიძლიათ კოლეჯში "იბერია" ან თავად ამობეჭდოთ გვერდიდან vet.emis.ge.

  • პრეტესტი ჩატარდება 26 ოქტომბერს!
  • პროფესიული ტესტირება გაიმართება 27 ოქტომბერს!

დეტალური ინფორმაცია პრეტესტისა და ტესტირების ჩატარების შესახებ მოცემულია საგამოცდო ბარათზე;

-მონაწილის პირადი ინფორმაცია;

-რეგისტრაციის დრო;

-საგამოცდო ცენტრის მისამართი;

-ინფორმაცია პრეტესტის შესახებ.

ტესტურ დავალებათა ნიმუშები შეგიძლიათ იხილოთ :

https://naec.ge/#/ge/post/2027

გისურვებთ წარმატებას !

სიახლე სრულად
23 ოქტომბერი 2019

საშემოდგომო მიღება 2019

 პროფესიული განათლების მიღების მსურველთა საყურადღებოდ!
სსიპ კოლეჯში "იბერია" მიმდინარე წლის 2 ოქტომბრიდან იწყება რეგისტრაცია შემდეგ პროფესიულ პროგრამებზე:
1. სამკერვალო ნაწარმის სპეციალისტი
2. თმის სტილისტი
3. გამყიდველ - კონსულტანტი
4, ინფორმაციის ტექნოლოგიის მხარდაჭერა
5. ელექტროობა
6. ბუღალტრული აღრიცხვა
7. კულინარიის ხელოვნება
ბაღდათის ფილიალში მიღება იწარმოებს შემდეგ პროგრამებზე:
1. ბუღალტრული აღრიცხვა
2. თმის სტილისტი
 რეგისტრაცია გაგრძელდება 15 ოქტომბერამდე!
 პრეტესტი ჩატარდება 26 ოქტომბერს!
 მისაღები გამოცდა გაიმართება 27 ოქტომბერს!
 სწავლა დაიწყება 21 ნოემბერს!
 სასურველი პროფესიის არჩევის შემდეგ აპლიკანტმა უნდა გაიაროს შემდეგი პროცედურა:
1.თავად დარეგისტრირდეს on-line საიტზე vet.emis.ge ან მიბრძანდეს კოლეჯში ან ადგილობრივ რესურსცენტრში და თან იქონიოს პირადობის დამადასტურებელი დოკუმენტი.
2.გაიაროს პრეტესტი და ჩააბაროს გამოცდა
3.შედეგების გამოქვეყნების შემდეგ წარმოადგინოს შემდეგი სახის დოკუმენტები: განცხადება, პირადობის დამადასტურებელი დოკუმენტი(ასლი), განათლების დამადასტურებელი დოკუმენტი(დედანი), დაბადების მოწმობა(ასლი), 2ც ფოტოსურათი 3x4, სამხედრო აღრიცხვაზე ყოფნის დამადასტურებელი დოკუმენტი(ვაჟებისათვის). სპეციალური საგანმანათლებლო საჭიროების მქონე პირები ისარგებლებენ ალტერნატიული ტესტირებით,რაც მულტიდისციპლინური გუნდის შეფასებისა და პროფესიის მოსინჯვას გულისხმობს.
საკონტაქტო ინფორმაცია:ქ. ქუთაისი, ნიკეას ქ. #12, ტელ: 555138516, 595179077
ელ-ფოსტა:kolejiiberia@gmail.com, ვებ-გვერდი:www.iberias.ge
პროფესიული ტესტების ნიმუშები იხილეთ შემდეგ ლინკზე:

სიახლე სრულად
01 ოქტომბერი 2019

მთავარი  ::  სტრუქტურა  ::  ჩვენს შესახებ  ::  სიახლეები  ::  პროგრამები  ::  კონტაქტი